Për herë të dytë rresht Komisioni i Disiplinës pranë Federatës Shqiptare të Futbollit është treguar tolerant. Ashtu si në vendimet e parafundit edhe në ato të publikuara këtë të premte, FSHF nuk ka dhënë dënime për ekipet e Superligës. Në të katërta ndeshjet e Superligës të zhvilluara të mërkurën nuk ka pasur raste të sjelljeve antisportive si në fushën e lojës, por edhe në shkallët e stadiumeve.
Gjithsesi KDS në vendimet e sotme ka dhënë dy paralajmërime për Flamurtarin dhe Laçin. Të dyja klubet paralajmërohen se në rast përsëritje të sjelljeve të gabuara të spektatorëve do të jenë subjekt i masave që parashikon Kodi i Disiplinës Sportive.
Sakaq dënimet më të ashpra në vendimet e KDS këtë herë janë dhënë në kategoritë më të ulta të futbollit shqiptar dhe në kampionatet e të rinjve. Në këto kategori, KDS nuk i kursyer dënimet e rënda dhe pezullimet për disa futbollistë e zyrtarë që kanë shfaqur sjellje antisportive në ndeshjet e javës së fundit.
Vendimet e plota të Komisionit të Disiplinës pranë Federatës Shqiptare të Futbollit:
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.