Gazeta Si – Shtypi francez ka dalë kundër arbitrit të finales së Kupës së Botës me Argjentinën, polakut Simon Marciniak. Jo vetëm për rastin e penalltisë së dyshimtë, që i dha Mesit mundësinë të kalonte skuadrën e tij në avantazh.
Sipas ‘L'Equipe’, goli i tretë i Argjentinës, i shënuar nga Lionel Mesi në shtesë, duhej anuluar, sepse para se topi të kalonte vijën e portës, disa lojtarë të stolit argjentinas kishin hyrë në fushë për të festuar.
Një veprim ky, që sipas rregullores së arbitrimit, shoqërohet me një goditje dënimi në favor të Francës dhe anulim të golit. Gjithsesi, tani nuk ka më kthim prapa. Polemikat mund të vazhdojnë, por asgjë nuk mund t’ia heqë Argjentinës titullin kampion bote.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.