Logoja zyrtare e Botërorit të futbollit “Katar 2022”, ka marrë formë dhe tashmë i është bërë e njohur mbarë botës. Organizatorët e evenimentit më të rëndësishëm të futbollit kanë publikuar fotot e logos, që tashmë janë përhapur në gjithë vendin, duke u shfaqur në ndërtesa të ndryshme.
Kthesat e dallgëzuara përfaqësojnë dunat e shkretëtirës dhe formojnë numrin 8, që është numri i stadiumeve të kompeticionit ku do të luhen ndeshjet e Botërorit të 2022-shit. Është po ashtu edhe shenja e infinitit, që përfaqëson edhe natyrën e evenimentit në vetvete. Botërori i Katarit kanë qenë një nga më të diskutuarit që në momentin që ky vend fitoi të drejtën e organizimit, duke lënë shumë dyshime të forta për votimin. Për të vazhduar më pas me çështjen e stadiumeve dhe vonesat në ndërtimin e tyre, ndërkohë që është hedhur ideja për ta zhvilluar këtë Botëror gjatë periudhës së dimrit. Një ide, që nuk ka gjetur mbështetje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.