Nga Gazeta ‘Si’-Javën që vjen do të nisë Forumi Ekonomik Botëror që do të mbahet në Davos të Zvicrës, i cili do të zgjasë deri më 19 janar.
Ambasadori i Gjermanisë në Kosovë, Jorn Rohde, ka thënë se ndihet i gëzuar që pjesëmarrës në këtë forum do të jenë kryeministri Albin Kurti, dhe presidenti i Serbisë, Aleksandar Vuçiç.
“Javën e ardhshme, në Davos do të nisë Forumi Ekonomik Botëror. Me të gjitha temat kryesore të rëndësishme, 'Arritja e sigurisë dhe bashkëpunimit në një botë të thyer' rezonon veçanërisht për Kosovën, dialogun Kosovë – Serbi dhe të gjithë rajonin e Ballkanit Perëndimor. Gëzohem që do t’i shoh të dy, Albin Kurtin dhe Aleksandar Vuçiçin të jenë të pranishëm”, shkroi Rohde.
Nuk dihet ende nëse do të ketë ndonjë takim bilateral mes Kurtit dhe presidentit serb, Aleksandar Vuçiç.
Forumi në Davos do të mbahet nga 15-19 janar. Diskutimet do të përfshijnë sigurinë globale, krijimin e vendeve të punës, iniciativat për klimën dhe zhvillimin e AI.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.