.png)
Nga Gazeta 'SI' - Fondi Monetar Ndërkombëtar ka ulur parashikimin për rritjen ekonomike të Shqipërisë gjatë 2024-s ë 3%.
Në parashikimin e pranverës, FMN thotë se PBB-ja e Shqipërisë parashikohet të rritet me 3% nga 3.3% që parashikohej në vjeshtë. Në të njëjtën normë do të jetë dhe rritja për 2025-n.
Sipas tabelës Shqipëria do të ketë rritjen më të vogël të ekonomisë për këtë vit në të gjithë rajonin.
Parashikimet kombëtare për ekonominë e vendit arrijnë në 3.4% për 2024-n, ndërsa Banka Botërore pret një zgjerim të ekonomisë me 3.3%.
FMN tregon se ekonomia botërore parashikohet të përjetojë një stanjacion dhe të rritet në 2024-2025 aq sa u rrit në 2023-shin, 3.2%.
Ndonëse u përball me shumë kriza në një kohë të shkurtër, PBB-ja botërore thotë FMN ka patur performancë të qëndrueshme dhe inflacioni pritet të ulet më tej pranë objektivit. Gjithsesi, tregu i punës cilësohet si “thembra e Akilit” e ekonomive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
