Gazeta Si - Luiza Gega na sjell mrekullinë e radhës nga Polonia, ku sapo ka fituar garën e 3000 metrave me pengesa në Europianin Ekipor të Atletikës.
Sportistja jonë ka shkëlqyer në specialitetin e saj, ku doli e para në divizionin e tretë të garës së 3000 metrave me pengesa, me kohën 9:17.31.
Kjo është një fitore shumë e veçantë për Luiza Gegën, e 11-a në në historinë e kampionateve europiane, që e barazon atë me bullgaren Ivet Lalova-Collio. Ky fakt është evidentuar edhe nga Federata Europiane e Atletikës, që e quan atleten shqiptare yllin e garës së 3000 metrave me pengesa.
A record-equalling 11th European Athletics Team Championships victory!
— European Athletics (@EuroAthletics) June 22, 2023
Luiza Gega 🇦🇱 is the star of the show in the 3000m steeplechase in #Silesia2023! 💫#EG2023 pic.twitter.com/Lj156HU71U
Me kohën e garës së sotme në Krakov Luiza Gega ka vendosur edhe një rekord për femrat. Kujtojmë që atletja jonë fitoi edhe garën e 5000 metrave pak ditë më parë, duke vërtetuar se po kalon një moment të shkëlqyer, duke i dhuruar Shqipërisë të tjera suksese dhe medalje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.