.png)
Nga “Wembley” në “Air Albania”. Incidentet dhe rrëmujat kanë përfshirë tifozët e Hungarisë dhe të Shqipërisë gjatë ndeshjeve kualifikuese të Kupës së Botës. Në Londër tifozët hungarezë u përplasën me policinë sapo nisi ndeshja, kurse në Tiranë ndeshja me Poloninë u ndërpre për rreth 25 minuta, sepse Sviderski, sapo shënoi golin, u godit me shishe nga tifozët shqiptarë.
“FIFA po analizon raportet e ndeshjeve kualifikuese, - shkruhet në një komunikatë të saj. – Dënojmë ashpër incidentet në Angli dhe në Shqipëri. Qëndrimi i FIFA-s është i qartë dhe i prerë kundër çdo lloj forme dhunë, ashtu si dhe ndaj çdo lloj diskriminimi dhe abuzimi. FIFA e ka bërë të qartë se në të tilla raste ka zero tolerancë. Jemi kundër sjelljeve të tilla në futboll”.
Vendimi zyrtar për dënimin e sigurt të Shqipërisë do të merret pasi të jenë analizuar raportet. Gjoba financiare mund të shkojë deri në 250 mijë euro për FSHF-në, ndërkohë që kuqezinjët me siguri do të dënohen edhe me ndeshje pa tifozë në vazhdim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
