Gazeta Si - Katër persona janë shpallur në kërkim, pasi dyshohen se kanë kultivuar bimë narkotike në fshatin Mujalli, Fier, ku u gjetën rreth 7000 rrënjë kanabisi një ditë më parë. Ndërkohë, që dje u arrestuan Fatjon Gremi e Amarildo Xhafa dhe një tjetër u shpall në kërkim.
Policia thotë se u shpallën në kërkim:
H.D., 58 vjeç, banues në Tiranë;
E.Q., 82 vjeç, banues në Baltëz, Fier;
G.Q., 47 vjeç, banues në Baltëz, Fier;
A.M., 60 vjeç, banues në Baltëz, Fier.
Dyshohet se këta shtetas janë autorë të kultivimit të bimëve narkotike, në parcelën me misër, në fshatin Mujalli, Fier.
Rezulton se personat e arrestuar ditën e djeshme dhe personi i shpallur në kërkim, konkretisht shtetasit F.G., A.Xh., dhe S.L., janë bashkëpunëtorë edhe në kultivimin e bimëve narkotike, në fshatin Mujalli.
Në cilësinë e provës materiale janë sekuestruar 3 gjeneratorë, 1 radio si e Policisë dhe pajisje të ndryshme pune që shërbenin për mbjelljen dhe rritjen e bimëve narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.