Gazeta Si - As që mund të ccohej ndërmend gjumi për tifozët e Romës. Festa e tyre ishte e jashtëzakomshme pas fitimit të Ligës së Konferencës në Tiranë. Festë në “Air Albania”, “Olimpico”, rrugët e qytetit. Pastaj edhe në “Fiumicino”, deri në të gdhirë.
Rreth 3000 tifozë të Romës e kanë pritur skuadrën të kthehej nga Tirana me trofeun e fituar. Roma mbërriti në aeroport më 4:10 dhe doli nga terminali 3. Pjesë më e madhe e tifozëve ishte grumbulluar për të pritur autobusin.
LA COPPA È A ROMA! https://t.co/QelydUH0LL
— AS Roma (@OfficialASRoma) May 26, 2022
Turma e çmendur e tifozëve mbërriti me kore, tymuese, këngë dhe të qeshura. Një reagim i fuqishëm i popullit roman, që priste një trofe prej shumë e shumë vitesh. Festë e shfrenuar, nga të gjitha moshat.
Dikush duhet të shkonte në punë në orën 8, por kur ia përmendnin këtë fakt, përgjigjej shkurt: “Kujt i plasi!” Mbi Romën nuk ka asgjë.
🍾 José Mourinho! La la la la la la la... José Mourinho la la la la la la la 🍾#ASRoma #UECLfinal pic.twitter.com/awuPHZEqfc
— AS Roma (@OfficialASRoma) May 26, 2022
Vetëm disa arritën t’i afroheshin autobusit të skuadrës, por nuk ka problem. Një festë e tillë shijon gjithsesi. Festa do të vazhdojë sot në kryeqytetin e Italisë. Sepse për festë ka gjithmonë kohë.
Për Kumbullën me shokë do të jenë orë të lodhshme, por të bukura. Kur arrin një objektiv final, lodhja nuk ndihet aspak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.