.png)
Administrata Amerikane e Ushqimit dhe Barnave(FDA) ka udhëzuar që të ndalohen së tregtuari cigaret me aromë.
"Përmes shqyrtimit të kujdesshëm të provave shkencore dhe autoriteteve tona, ne kemi përcaktuar se ky veprim është i duhur për mbrojtjen e shëndetit publik," i tha komisioneri i FDA, Robert Califf.
Sipas FDA standardet e propozuara të produktit, ndër të tjera, do të përmirësonin shëndetin dhe do të reduktonin rrezikun e duhanpirësve.
FDA e ka analizuar mentolin në cigare për një kohë të gjatë. Është aroma e fundit e lejuar në cigare.
Një padi e vitit 2020 pretendoi se FDA vonoi në mënyrë të paarsyeshme lëshimin e një përgjigjeje përfundimtare. Në vitin 2021, FDA njoftoi se do të ndiqte krijimin e rregullave.
"Sot shënohet fillimi i fundit të cigareve me mentol, një moment vërtet historik për shëndetin publik. Për dekada, kompanitë e duhanit kanë shtyrë qëllimisht cigaret me mentol për të lidhur të rinjtë me produktet e tyre”, tha në një deklaratë Julie Morita, nënkryetare e fondacionit Robert Wood Johnson.
Heqja e mentolit në cigare dhe puro mund të ketë një efekt të rëndësishëm në numrin e duhanpirësve, tha FDA. Sipas një vlerësimi, mund të parandalojë edhe 650,000 vdekje të parakohshme gjatë 40 viteve të ardhshme.
Një studim tjetër parashikon që eliminimi i mentolit si aromë cigareje do të bënte që 923,000 njerëz të linin duhanin.
FDA tha se cigaret me aromë janë veçanërisht të popullarizuara në mesin e fëmijëve. Një studim i vitit 2020 zbuloi se gati 74% e adoleshentëve 12 deri në 17 vjeç, pinin duhan puro sepse kishin shije.
“Ndalimi i cigareve me aromë do të ulte përdorimin e duhanit. Gjithashtu do t'i jepte fund epidemisë së sëmundjeve të lidhura me duhanin”, tha në një deklaratë të enjten Nancy Brown, drejtuese e Shoqatës Amerikane të Zemrës.
Ekspertët e shëndetit publik janë të bindur se kompanitë e duhanit do të përpiqen të ndryshojnë rregullin. Sipas FDA ata do të veprojnë duke paditur agjencinë. Por, ata thonë se kjo nuk do të ndryshojë vendimin e rëndësishëm për shëndetin publik.
Burimi: CNN/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
