.png)
Një fabrikë e madhe belge çokollate ka ndërprerë prodhimin pas zbulimit të salmonelës në një sasi të madhe çokollate.
Kompania Barry Callebaut tha se fabrika e saj në Wieze, për të cilën ajo thotë se është fabrika më e madhe e çokollatës në botë mbylli të gjitha linjat e prodhimit si një masë paraprake ndërsa ndotja është hetuar.
Barry Callebaut prodhon çokollatë për marka të shumta të shitura në mbarë botën.
Salmonela u zbulua të hënën dhe të gjitha produktet e çokollatës së prodhuar në fabrikë janë dërguar për hetim, tha kompania.
Kompania tha se informoi autoritetet belge të sigurisë ushqimore dhe po kontakton klientët që mund të kenë produkte të kontaminuara në shtëpitë e tyre.
Është e paqartë nëse ndonjë konsumator ka raportuar se është sëmurë nga çokollata.
Në fillim të këtij viti, të paktën 200 raste të raportuara të salmonelës besohej se kishin lidhje me vezët e Pashkëve me çokollatë të bëra në një fabrikë tjetër belge të operuar nga kompania italiane Ferrero.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
