.png)
Për 25 vite, viruset e gripit të shpendëve dolën nga Azia por ndryshimet e mëdha në virus dhe përhapja e tij midis shpendëve të egër kanë bërë që virusi të ndryshojë vendndodhje.
Një studim i ri ka treguar se ndërsa shpërthimet në 2016 dhe 2017 filluan në Kinë, dy viruse të rinj u shfaqën në 2020 tek shpendët afrikanë dhe në 2022 në shpendët e egër europianë.
“Këto rezultate theksojnë një zhvendosje të gripit të shpendëve përtej Azisë”, shkruajnë studiuesit në punimin e botuar në Nature.
Përhapja e fundit e variantit shumë infektiv të H5N1 shkaktoi shpërthimin më të keq të gripit të shpendëve në Europë, përpara se të përhapej globalisht. Tani ka arritur në çdo kontinent përveç Antarktidës, duke vrarë një numër rekord zogjsh shtëpiakë dhe të egër, madje edhe duke kaluar tek gjitarët. Gripi i shpendëve gjithashtu ka kaluar edhe tek shpendët. Që nga viti 2003, H5N1 u gjet në 873 njerëz, duke rezultuar në 458 vdekje, sipas Organizatës Botërore të Shëndetësisë. Shumica e rasteve ishin të lidhura me trajtimin e shpendëve të infektuar dhe nuk dihet se mund të transmetohej nga njeriu te njeriu.
Një ekip ndërkombëtar shkencëtarësh i udhëhequr nga Universiteti i Hong Kongut analizoi shpërthimet midis 2005 dhe 2022, duke mbledhur të dhëna për rastet e konfirmuara nga Organizata e Ushqimit dhe Bujqësisë dhe Organizata Botërore për Shëndetin e Kafshëve. Ata gjithashtu studiuan 10,000 grupe të ADN-së virale.
Autorët thonë se rritja e vazhdueshme e gripit të shpendëve te shpendët e egër po nxit evolucionin dhe përhapjen e llojeve të reja.
Gripi i shpendëve është shumë infektues, me shkencëtarët që thonë se një zog mund të infektojë deri në 100.
Asgjësimi masiv dikur ishte një politikë efektive për të kontrolluar përhapjen e sëmundjes te shpendët, por për shkak se gripi i shpendëve tani është kaq i përhapur në popullatat e shpendëve të egër, kjo po rezulton më pak efektive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
