.png)
Nga Gazeta 'Si'-Qytetarët e Kosovës do mund të udhëtojnë pa viza edhe në Emiratet e Bashkuara Arabe. Lajmi është ndarë nga Presidentja e Kosovës, Vjosa Osmani, e cila thotë se marrëveshja është nënshkruar me presidentin e Emirateve, Sheikh Mohamed bin Zayed Al Nahyan.
“Falenderoj Presidentin e Emirateve të Bashkuara Arabe, Shkëlqesinë e Tij Mohamed Bin Zayed për pranimin e propozimit tim për heqjen e vizave për qytetarët e Kosovës. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”, shkruan Osmani.
Nga data 1 janar shqiptarët e Kosovës mund të udhëtojnë pa viza në të gjithë zonën Shengen. Edhe Spanja, një shtet që nuk e ka njohur Kosovën, njoftoi para disa ditësh vendimin për udhëtim pa viza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
