Bota

EMA nis verifikimin e vaksinës kineze anti-Covid “Sinovac”

Agjencia Evropiane e Barnave, EMA, ka njoftuar se ka filluar të verifikojë vaksinën anti-COVID të kompanisë kineze “Sinovac”, e cila po përdoret gjerësisht edhe në Shqipëri.

“Të dhënat paraprake nga studimet laboratorike tregojnë se vaksina prodhon një përgjigje imune”, - deklaroi EMA në një njoftim për mediat.

EMA do të vlerësojë të dhënat, ndërsa ato duhet të jenë të disponueshme për të vendosur nëse përfitimet tejkalojnë rreziqet.

Rishikimi lejon rregullatorët e BE-së të vlerësojnë të dhënat, ndërsa EMA do të japë autorizimin për përdorim emergjent, në kohën që kompania kineze të ketë dorëzuar të dhëna të mjaftueshme për efikasitetin e saj.

EMA nuk dha një kornizë kohore për vendimin përfundimtar, por tha që procesi duhet "të marrë më pak kohë se normalisht për t'u vlerësuar, për shkak të punës së bërë gjatë rishikimit".

Vaksina “Sinovac” dhe efikasiteti i saj i ulët (54% pas dy dozave) dyshohet si një nga shkaqet e rifillimit të infeksioneve në Kili.

“Sinovac” ka treguar nivele të ndryshme të efikasitetit në studime të ndryshme në botë, që variojnë midis 51 deri 82%.

Po ashtu, Organizata Botërore e Shëndetësisë do të vendosë këtë javë nëse do të miratojë dy vaksinat kineze, “Sinovac”  dhe “Sinopharm”, për përdorim emergjent kundër Covid-19.


Copyright © Gazeta “Si”


Më Shumë