Gazeta Si – Me një postim shumë të shkurtër në faqen e Facebook-it, klubi i Egnatias ka njoftuar shkarkimin e trajnerit Shpëtim Duro. Një vendim i papritur ky, sepse rrogozhinasit mbajnë vendin e katërt në renditje dhe janë vetëm 2 pikë pas Vllaznisë së vendit të tretë.
Në njoftimin e klubit nuk ka asnjë shpjegim për vendimin e fundit. “KF Egnatia njofton se Shpëtim Duro nuk do jetë më trajneri i ekipit. Klubi e falenderon për punen e bërë dhe i uron suksese në karrierë”, - shkruhet në njoftimin zyrtar.
Shkak i shkarkimit të trajnerit mund të jenë rezultatet e fundit, dy barazime dhe humbja me Kukësin në shtëpi, por sërish është shumë pak për të marrë një vendim kaq drastik. Tani klubi rrogozhinas është në kërkim të trajnerit të tretë për këtë sezon, pasi më parë është larguar edhe Edlir Tetova.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.