Nga Gazeta Si- Tani është "praktikisht e sigurt" se viti 2023 do të jetë më i ngrohti i regjistruar, tregojnë të dhënat e reja.
Parashikimi vjen pas temperaturave të larta rekord të tetorit.
Temperaturat mesatare globale të ajrit ishin 0.4C më të ngrohta se niveli i mëparshëm i tetorit 2019, sipas shërbimit të BE-së për ndryshimet klimatike.
I nxitur nga emetimet e karbonit dhe një ngjarje moti El Nino, ky ishte muaji i pestë për këtë vit që shënon rekorde.
Studiuesit thonë se temperaturat ekstreme globale ka të ngjarë të vazhdojnë deri në vitin 2024 dhe dy muajt e fundit të këtij viti nuk do të ndryshojnë trendin e temperaturave.
Korriku ishte aq i ngrohtë sa mund të ketë qenë muaji më i nxehtë i regjistruar ndonjëherë, ndërsa temperaturat mesatare të shtatorit thyen rekordin e mëparshëm me 0,5 gradë celcius.
Tetori nuk ishte aq jashtëzakonisht i nxehtë sa shtatori, por megjithatë thyen rekordin për muajin me një diferencë të madhe, sipas Shërbimit të Ndryshimeve Klimatike Copernicus.
Muaji ishte 1.7C më i ngrohtë se mesatarja para-industriale, që do të thotë krahasuar me periudhën përpara se njerëzit të fillonin të digjnin sasi të mëdha të lëndëve djegëse fosile.
Ngrohtësia e përjetuar gjatë gjithë vitit deri më tani do të thotë se 2023 është "praktikisht e sigurt" se do të bëhet viti më i ngrohtë në botë, duke mposhtur vitin 2016.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.