.png)
Nga gazeta "Si"-Nuk ka teste specifike për Covid të gjatë dhe nuk është e qartë se cilët fëmijë e kanë dhe atë, pasi mund të ndodhë edhe kur një fëmijë ka një rast të lehtë të Covid-19.
"Është befasuese se sa nga këta fëmijë shfaqin dhe kanë një sërë simptomash që ne nuk i kemi vlerësuar plotësisht. Disa po vijnë me dështim të zemrës pas infeksioneve asimptomatike Covid," tha Dr. Jeffrey Kahn, shefi i Divizionit të Sëmundjeve Infektive Pediatrike në UT Southwestern Medical Center në Dallas.
“Ajo që më bie në sy është se zakonisht ndodh rreth katër javë pas infektimit dhe infeksioni mund të jetë vërtet asimptomatik, gjë që është vërtet befasuese”.
Edhe kur fëmijët me Covid të gjatë testohen për sëmundje që mund të shkaktojnë këto simptoma, mund të ndodh që asgjë të mos shfaqet.
Dr. Amy Edwards, e cila drejton klinikën pediatrike Covid të gjatë në Spitalin UH Rainbow Babies & Children's në Cleveland thotë se problemet e të rriturve priren të jenë më të dukshme, sepse ata kanë më shumë gjasa të kenë mosfunksionim të organeve por tek fëmijët është më e vështirë. "Unë u them familjeve, 'duhet të mbani mend, ka kufij për atë që shkenca mjekësore kupton dhe mund të testojë.' Ndonjëherë, ne thjesht nuk jemi aq të zgjuar sa të dimë se ku ta kërkojmë atë.".
Mjekët ende po përpiqen të kuptojnë pse Covid-i i gjatë shfaqet në këtë mënyrë tek tek fëmijët. Disa studime te të rriturit tregojnë një varg prej 200 simptomash, por nuk ka një përkufizim universal të rastit klinik.
Fëmijët e prekur nga Covid i gjatë mund të ndahen në disa kategori. Disa kanë lodhje, mjegull truri dhe dhimbje koke të forta, "deri në pikën ku disa fëmijë nuk ishin në gjendje të shkonin në shkollë dhe po dështonin me notat”
Një grup tjetër ka probleme kardiake si rrahje zemre, dhimbje gjoksi dhe marramendje, veçanërisht kur kthehen në aktivitetet e tyre të rregullta.
Një grup tjetër ka probleme me stomakun. Shumë nga këta fëmijë gjithashtu kanë një ndryshim në shqisën e tyre të shijes dhe nuhatjes.
Ekspertët thonë se simptomat janë krejtësisht të ndryshmë nga simptomat që kanë të rriturit, "por nuk është thes i përzier i përfshirjes së sistemeve të ndryshme të organeve me të rriturit."
Covid i gjatë është i vërtetë. Por ka mënyra për të mbrojtur veten
"Pacientët me Covid të gjatë kanë si problem më të madh humbjen e energjive"
Edwards, e cila drejton një klinikë në Cleveland, thotë se ajo duhet të flasë me prindërit për të balancuar me kujdes se sa energji shpenzojnë fëmijët e tyre. Shumica e njerëzve të shëndetshëm mund të përballojnë nëse janë të lodhur, por ata me Covid të gjatë nuk munden. "Është sikur ata kanë një kovë energjie, dhe ajo duhet të përdoret me kujdes për shkollë, për lojë, për të parë TV. Çdo gjë që ata bëjnë kërkon energji dhe sapo ajo kovë të jetë bosh, merr fund gjithçka," tha Edwards.
Disa nga pacientët e saj adoleshentë janë të rraskapitur . Shumë kanë edhe ankth. Disa prej tyre mund të vijnë nga vetë sëmundja ose nga dyshimi që kanë dëgjuar nga mjekët ose të rriturit kur thonë se nuk ndihen mirë.
Ekspertët në të gjithë vendin thonë se kanë dëgjuar nga pacientë ankesat e të cilëve janë injoruar, edhe pas një ndryshimi të fortë në shëndetin e tyre. Atyre u është thënë se po tregohen dramatikë ose po kërkojnë vëmendje, ose se simptomat janë të gjitha në kokën e tyre.
Ekspertët thonë se mjekët duhet ta mësojnë mirë se Covid-i i gjatë mund të jetë një problem real.
Çfarë duhet bërë?
Ekspertët thonë se fëmijët e prekur nga Covid-i i gjatë duhen inkurajuar të flenë mjaftueshëm dhe të hanë ushqim të shëndetshëm.
Por jo të gjitha familjet mund të përballojnë ushqim të shëndetshëm.
"Më tmerron fakti që ka familje që nuk e përballojnë dot koston e ushqimit të shëndetshëm megjithëse mund të jenë prekur nga Covid-i gjatë "Thjesht duhet të shpresosh që më shumë njerëz të ndërgjegjësohen për problemin dhe të përpiqen të ndihmojnë."-thotë Edwards
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
