.png)
Pas Gjermanisë, edhe Belgjika do të luajë me stadiume të boshatisura në vazhdim të sezonit, sepse tifozët nuk do të lejohen. Kampionati belg rinis pas ndërprerjes së shkurtër për shkak të festave, por llogaritë duhen bërë me situatën me Covid-19.
Qeveria ka vendosur që ndeshjet e kampionatit (Jupiler Pro League) të zhvillohen me dyer të mbyllura për të minimizuar përhapjen e virusit dhe numrit të infektimeve. Anversa, një nga ekipet e kampionatit, është shndërruar në një vatër infeksioni, duke shkaktuar shtyrjen e ndeshjes së radhës. Janë 9 lojtarët e këtij ekipi që janë infektuar dhe duhet të izolohen.
Duhet theksuar se Belgjika ishte një nga vendet e para që vendosi të pezullonte kampionatin e futbollit në kohën kur nisi pendemia e Covid-19. Qeveria e këtij vendi nuk ka toleruar aspak në masat shtrënguese për pandeminë. Me stadiume të mbyllura pritet të luhet edhe në vende të tjera të Europës, duke parë shtimin e shpejtë të rasteve të variantit Omicron.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
