Gazeta Si – Një situatë e çuditshme ka ndodhur së fundi me klubin e Maincit në Bundesligë. Mbrojtësi i ekipit gjerman, Maksim Leitsh, është i padisponueshëm deri në një komunikim të dytë.
Një goditje e fortë për Maincin. Në një njoftim zyrtar të klubit shkruhet se mbrojtësi i qendrës nuk mund të luajë për momentin. Në njoftim bëhet me dije se lojtari i datëlindjes 1998 vuan nga një gjendje rraskapitjeje psikofizike.
Me shumë mundësi, janë pasojat e një infeksioni që Leitsh ka pasur kohët e fundit, që nuk e lejojnë atë të jetë gati për ndeshje. Mbrojtësi i transferuar në verë nga Bohumi te Mainci do të kryejë kontrolle të tjera të specializuara për ta kaluar këtë gjendje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.