.png)
Gazeta Si - Atletja 26-vjeçare, Tigst Asefa, ka zhvilluar një garë të jashtëzakonshme në Berlin, ku regjistroi kohën 2 orë, 11 minuta e 53 sekonda, duke thyer rekordin e Kosgei. Në maratonën e meshkujve, suskesi i 5-të për Kipçoge.
Arritja e etiopianes Asefa në maratonën e 3-të të karrierës, është vërtet e jashtëzakonshme. Ajo ka vendosur rekord të ri botëror, duke e thyer të mëparshmin me më shumë se dy minuta. Keniania Brigid Kosgei, në Çikago 2019, arriti kohën 2 orë 14 minuta e 04 sekonda.
Keniania Sheila Çepkirui ka zënë vendin e dytë në Maratonën e Berlit, me kohën 2 orë, 17minuta dhe 49 sekonda, ndërsa vendi i tretë i ka takuar atletes nga Tanzania, Magdalena Shauri, me kohën 2 orë, 18 minuta dhe 41 sekonda.
Te meshkujt, Kipçoge, gati 39 vjeç, ka treguar sërish se në majat e maratonës botërore mbetet gjithmonë ai. Ka fituar maratonën e 16-të nga 19 që ka marrë pjesë. Në vend të dytë doli bashkombasi i tij Vinsent Kipkemboi dhe në vend të tretë etiopiani Tadese Takele.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
