.png)
Gazeta Si – Një 42-vjeçar, Dervish Hasi, banues në Tiranë u arrestua, pasi dyshohet se ka shfrytëzuar një të mitur për prostitucion për një periudhë 2-vjeçare.
Sipas asaj që njofton policia, i dyshuari është arrestuar pas një kallëzimi të depozituar në komisariat, se një e mitur shfrytëzohej nga një shtetas, për prostitucion.
Ndërkohë, sipas burimeve paraprake, Dervish Hasi është mjek kirurg, i cili prej rreth dy vitesh kishte shfrytëzuar një vajzë të mitur rreth 16 vjeçe, duke e prezantuar si bashkëshorten e tij të katërt.
Detajet e rënda janë mësuar edhe nga përgjimet e telefonave. Përmes komunikimeve telefonike që vajza e mitur ka kryer me 42-vjeçarin Hasi është zbuluar se ata kishin një grup chat-i në të cilin flisnin dhe ndanin video pornografike të gjithë bashkë me gratë e tjera të 42-vjeçarit.
Gjithnjë sipas burimeve, Hasi njihet si besimtar mysliman dhe kishte edhe 3 gra të tjera në shtëpi. E mitura shkonte në shtëpinë e Hasit në intervale të shkurtra kohore, 3 deri në 4 ditë, ndërsa dyshohet se Hasi ka kryer marrëdhënie seksuale me të, e cila do të konfirmohet përmes akt-ekspertizës.
Ndërkohë bëhet e ditur se 42-vjeçari është një person i njohur për policinë. Me profesion mjek, ai ka qenë edhe i hetuar nga SPAK.
Prokuroria e Posaçme kishte dyshime se mjeku ishte i përfshirë në grupin që furnizonte me tritol dhe armë snajper kriminelë brenda dhe jashtë vendit. Mbi mjekun Hasi rëndon akuza e prostitucionit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
