.png)
Ministrja e Financave, Delina Ibrahimaj e ka mohuar lajmin se është shkarkuar nga posti i saj ministror.
Para nisjes së Asamblesë Kombëtare të PS, Ibrahimaj tha shkurt për gazetarët se lajmi për shkarkimin e saj është në kuadër të thashetheme të verës.
Ajo u shpreh se nuk është shkarkuar dhe as ka dhënë dorëheqjen.
“Është në kuadër të thashetheme të verës, nuk kam dhënë dorëheqjen dhe nuk jam shkarkuar”, tha ministrja e Financave. Edhe kryeministri Edi Rama i është përgjigjur shkurt me ‘jo’, ‘jo’ pyetjes nga media nëse ka shkarkuar Ibrahimajn.
Më herët ishin burimet nga PS-ja dhe vete qeveria që konfirmuan për mediat se Rama kishte shkarkuar pas mesdite ministren e Financave.
Se cfarë ka ndodhur orët e mbasdites, këtë e dinë vetëm Rama dhe Ibrahimaj sa kohe që lajmi për shkarkimin e saj, u mohua më shumë dy orë nga publikimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
