Gazeta Si – Pas dy humbjesh radhazi, Vllaznia nuk mund të gabonte në stadiumin ‘Loro Boriçi’ ndaj Kukësit. Ka fituar 2-0 dhe falë edhe rezultateve të rivalëve, i ka buzëqeshur fati për të kapur vendin e dytë në renditje, me pikë të barabarta me Partizanin (nga 31 pikë).
Herald Marku dhe Fjoart Jonuzi realizuan dy golat e fitores për shkodranët në pjesën e parë, duke prerë shpresat e kuksianëve për pikë në këtë transfertë. Bekim Balaj ende nuk po arrin të shënojë golin e parë pas rikthimit te Vllaznia në merkaton e janarit.
Një fitore me shumë peshë arriti sot edhe Teuta në fushën e saj. Durrsakët mundën 1-0 Bylisin dhe arritën të shkëputen nga vendet e fundit. Golin vendimtar e shënoi mbrojtësi Jurgen Goxha në pjesën e dytë.
Kastrioti dhe Erzeni barazuan 2-2 në stadiumin e Kamzës. Shijakasit kryesonin 0-2 dhe kishin një mundësi të artë për të marrë 3 pikët, por u ndëshkuan me 2 gola në 5 minuta nga krutanët e vendit të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.