.png)
Gazeta Si - Zyrtarë shqiptarë të përfshirë në dosjen “SKY ECC” në Belgjikë, udhëtuan në Holandë për t’u takuar me një rrjet transnacional të trafikut të drogës për të diskutuar mbi lejen e ndërtimit të një kulle në Tiranë, me synimin e pastrimit të parave.
Sipas gazetës belge "La Libre" (The Free Belgium), e cila botohet në gjuhën franceze (ndodhet në zonën frankofone të Brukselit), janë zbuluar detaje nga nisja e gjyqit në Belgjikë për një organizatë kriminale prej 40 personash, shumë prej të cilëve shqiptarë, të akuzuar për trafik ndërkombëtar kokaine.
LEXO EDHE:
- Belgjika dhe Holanda qendrat kryesore të kokainës. Pse mafia shqiptare luan rol kyç?
- Fuqia e mafies shqiptare në Belgjikë / Dosja ‘Sky ECC’ zbuloi 1 miliard mesazhe kriminale. Kreu i policisë: Në Anversë, 1.760 shqipfolës
- Raporti i SPAK / Nga Amerika e Jugut deri në Skandinavi, harta e grupeve kriminale shqiptare në trafikun e drogës dhe pastrimin e parave
“La Libre” shkruan se operacioni daton në 30 shtator 2020 kur, në një rast të veçantë, kutitë e garazhit u kontrolluan në Evere.
Aty u gjet një furgon, lëndë kimike që lidhen me përgatitjen e kokainës, vaj kanabisi dhe rrëshirë, bateri dhe uniforma false policie.
Falë telefonave të përdorur për marrjen me qira, hetuesit gjetën gjurmët e katër personave, përfshirë një të burgosuri në Barcelonë në lidhje me një rast me 441 kg kokainë. Ata e kuptojnë se ky person vazhdon të drejtojë trafikun nga qelia e tij.
Më lidhje me këtë rrjet, autoritetet belge kanë identifikuar një tjetër person, i cili udhëton shumë në Dubai, Greqi apo Meksikë.
Ai zotëron kompani në Qipro dhe Dubai dhe ka investuar në tregtinë e qymyrit. Po ashtu, ai zotëron një plantacion legal kanabisi në Greqi, të subvencionuar nga qeveria.
"Gjatë vëzhgimeve të policisë, hetuesit zbuluan vajtje-ardhje të shpeshta në portet e Gentit dhe Antwerpen në Belgjikë. Këta njerëz takohen në parkingjet e supermarketeve dhe shkëmbejnë çantat. Një magazinë në Zutendaal (Limburg), ku dorëzohen fuçi të mëdha, u shndërrua në objekt hetimi nga policia", - shkruan gazeta belge.
Hetimi është pasuruar falë dekodimit të kriptofonave “Sky ECC”. Në telefonin e Indrit K., një prej të pandehurve kryesorë, shihen foto të bareve të kokainës, armëve, ekstazive, kartëmonedhave si dhe indikacionet e pagesave që duhen bërë në Amerikën Latine dhe fatura të transfertave nga Brazili dhe Bolivia në Francë, Belgjikë dhe Angli.
Hetimi shtrihet në Evropë dhe kryesisht në Spanjë. Organizata kriminale ka degëzime globale. Ajo është aktive në trafikun e armëve, makinave dhe drogës, si dhe prostitucionit.
Menaxherët i investojnë të ardhurat e tyre në pasuri të paluajtshme në Gjermani, Shqipëri, Itali dhe Spanjë, kryesisht në Mallorca.
Gjatë hetimeve, sipas “La Libre”, të dyshuarit janë takuar në Antile për të diskutuar për ndërtimin e një kulle në Tiranë.
Do të ishte edhe ky ishull Balearik që do të ishte epiqendra e organizatës dhe toka e zgjedhur e liderit të saj, i identifikuar si Bashkim O., me nënshtetësi nga Kosova, i cili ashtu si Artur S., do të vendosej në Majemi.
Artur S., si dhe një nga të pandehurit që aktualisht po gjykohet në Bruksel dhe Arben I., mësohet se kanë marrë pjesë në takime në Mallorca si dhe në Itali, gjatë të cilave u diskutua për investimet në pasuri të paluajtshme të financuara nga paratë e drogës.
Hetuesit besojnë se ka pasur edhe një takim në Aruba (Antilet holandeze), gjatë të cilit është diskutuar investimi në një kullë në Tiranë (Shqipëri).
Pjesëmarrësit udhëtuan atje me avion privat. Mes tyre ka pasur edhe zyrtarët shqiptarë, të cilët thuhet se morën pjesë në këtë takim me të pandehurit për të lehtësuar marrjen e lejeve të ndërtimit.
Kjo u mohua të hënën nga Arben I., i cili megjithatë pranon se ka, ashtu si kushëriri i tij Artur S., lidhje shumë të larta në Tiranë. Në këtë kuadër, flitet edhe për dorëzimin e një ore me vlerë 400 mijë euro.
Organizata transportonte kokainën nga Amerika e Jugut në Belgjikë nëpërmjet kanaleve të ndryshme: me anije peshkimi, të cilat e lënë kokainën në det ku ajo merret me jahte, me fluturime komerciale, me avionë privatë apo edhe në kontejnerë.
Por jo gjithmonë me sukses: më 3 qershor 2021, dogana sekuestroi 6689 kg kokainë në një kontejner me banane nga Ekuadori në Antwerp. Më 18 shtator 2021, organizata nuk arriti të rikuperonte një ngarkesë kokaine të mbërritur me kontejnerë.
Pavarësisht kësaj, ata shkuan te shoferi i kamionit, të cilin e detyruan nën kërcënimin e armës të kthehej në biznesin e tij në Berlaar. Më pas ata gjetën kokainën nga kontejneri.
Laboratorë janë zbuluar gjithashtu në Zutendaal, në Belgjikë dhe në Holandë. Lënda narkotike kur ishte e pastër, i shtohej kokaina. Në raste të tjera, ajo nxirrej nga produkte ku ishte fshehur (thëngjill ose tul frutash) përpara se tuli i nxjerrë në këtë mënyrë të formohej dhe të shndërrohej në bukë, të cilat më pas do të stampoheshin me akronime si “Volvo”, “Rolex”, “Puma” ose… flamuri izraelit.
Kokaina më pas eksportohej në makina të pajisura me vende fshehjeje. Gjyqi ndaj kësaj organizate transnacionale të trafikut të drogës pritet të zgjasë një muaj.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
