.png)
Luiza Gega arriti një sukses historik pak ditë më parë në Lojërat Olimpike të Tokios. Ajo u kualifikua për në finalen e 3000 metrave me pengesa dhe kjo është hera e parë në histori që ndodh me atletikën shqiptare.
Finalja zhvillohet sot, në orën 13:00 me orën tonë (20:00 ora lokale). Sido që të shkojë, Gega e ka arritur objektivin e saj, por nëse do të futej në zonën e medaljeve, do të ishte një arritje e jashtëzakonshme për të dhe për Shqipërinë.
Në gjysmëfinale Luiza Gega regjistroi kohën 9:23:85. Gara e 3000 metrave me pengesa është specialiteti i saj. Kjo është edhe gara e fundit e Shqipërisë në Lojërat Olimpike të Tokios, ku kuqezinjtë ishin shumë afër medaljes me peshëngritësin Briken Calja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
