.png)
Gazeta Si – Sezoni i ri ka nisur me masat e zakonshme ndëshkimore për klubet e Superiores. Disiplina ka paralajmëruar Partizanin dhe Teutën, dy klubet që vazhdojnë të refuzojnë të vendosin stemën e Abissnet Superiores në krah.
Kështu kanë bërë gjithë sezonin e shkuar dhe kanë marrë sistematikisht gjoba, që me sa duket, nuk janë fare problem për këto klube. Ndoshta nuk i paguajnë kurrë.
Kukësi është gjobitur nga Disiplina me 100 mijë lekë për hedhjen e sendeve në fushë gjatë ndeshjes me Tiranën. Në atë ndeshje u godit në kokë me shishe plastike lojtari i Tiranës, Taulant Seferi, por Disiplina është treguar shumë e butë në dhënien e dënimit.
Vendimet e Komisionit të Disiplinës dhe Etikës
Partizani, në bazë të nenit 12 të KDS, paralajmërohet se në rast të përsëritjes së mosvendosjes së stemës së Abissnet Superiore në mëngën e djathtë të fanellës, do jetë subjekt i masave disiplinore.
Teuta, në bazë të nenit 12 të KDS, paralajmërohet se në rast të përsëritjes së mosvendosjes së stemës së Abissnet Superiore në mëngën e djathtë të fanellës, do jetë subjekt i masave disiplinore.
Kukësi, për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 100.000 (njëqind mijë) lekë.
Lojtari i Kukësit, Klejdi Daci, për sjellje josportive ndaj kundërshtarit, dënohet me 2 ndeshje pezullim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
