Gazeta Si - Dy djemtë e ish-deputetit Tom Doshi janë shpallur në kërkim, pasi kanë dhunuar një 38-vjeçar në kryeqytet.
Por gjatë ndërhyrjes së forcave të rendit në zonën e ish-Bllokut, ata kanë goditur edhe punonjësit.
Ngjarja ndodhi në rrugën “Ismail Qemali” në Tiranë, ku dy djemtë e tij, J.D., dhe M.D., kanë rrahur një person.
Pak minuta më pas, në vendin e ngjarjes kanë ardhur disa punonjës policie të njoftuar nga kalimtarët.
Efektivët kanë kërkuar sqarimin e rrethanave të ngjarjes, por dy djemtë e Doshit kanë filluar të godasin edhe ata, duke iu shkaktuar dëmtime fizike.
Tashmë ata akuzohen për një disa akuza, si “Goditja për shkak të detyrës”, “Kundërshtimi i punonjësit të Policisë së rendit publik”, “Mosbindja ndaj urdhrit të punonjësit të Policisë së rendit publik” dhe “Prishja e qetësisë publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.