.png)
Nuk ka filluar pozitivisht ky edicion i ri i La Liga për Barcelonën. Katalanasit u mposhtën 1-0 në ndeshjen hapëse të sezonit të ri të kampionatit spanjoll nga Atlektik Bilbao. Goli vendimtar i ndeshjes u shënua në fundin e takimit nga veterani Ariz Aduriz.
Një Barcelonë me yjet e rinj në fushë, Grizman dhe De Jong, por pa Lionel Mesin zbriti në “San Mames” për të bërë lojën e saj të zakonshme. Dhe në fakt ia doli që të imponohet dhe Bilbao nuk bëri shumë rezistencë që t’i nënshtrohej dominimit të katalansave. Grizman dhe Rafinja ishin dy rreziqet e para në portën e Bilbaos. Të parin pasaktësia në gjuajtje e mbajti larg golit, ndërsa të dytin e ndali traversa.
Kështu do të fillonte edhe pjesa e dytë, me vendasit që do të arrinin të kishin disa raste të mira shënimi me anë të Injaki Uilliams, por pa arritur deri të goli. Kur u duk se ndeshja po shkonte drejt një barazimi pa gola, në fushë për Atketiko Bilbao hyn Ariz Aduriz. Veterani 38-vjeçar që luan sezonin e tij të fundit në futboll i shtangu të gjithë kur kërceu me roveshatë për të shënuar një gol spektakolar.
I gjithë stadium në festë. Barcelona nuk e mori dot vetën pas këtij goli dhe 5 minutat në vazhdim thjesht sa plotësuan njëra tjetrën për të konfirmuar stratin e këtij kampionati me humbje për Barcelonën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
