.png)
Gazeta Si - I pyetur nga hetuesit pse e vrau kunatën e tij Alma Qevani më sëpatë, Tefik Tashi ka pohuar se një nga arsyet ishte se ofendohej herë pas herë nga viktima dhe vjehrra e tij.
Mes të tjerash, ai ka deklaruar se e vrau kunatën, pasi ajo nuk lejonte të motrën të shkonte në shtëpinë e tij. Kjo ka qenë edhe pikënisja e konfliktit që përfundoi tragjikisht.
Para hetuesve autori ka pranuar gjithashtu se motra e bashkëshortes së tij e ofendonte dhe kohët e fundit i ka thënë “je impotent”.
“Kishte kohë që më ofendonte nuk munda ta duroj dot. Thoshte sa herë, madje edhe në prani të familjarëve, fjalën impotent”, tregoi ai.
44-vjeçarja, Alma Qevani po ecte së bashku me të motrën e saj në rrugët e fshatit Kusarth të Elbasanit, kur kunati i saj Tefik Tashi i doli para dhe e qëlloi me sëpatë.
Ngjarja u regjistrua rreth orës 13:00 të së enjtes, ndërsa 44-vjeçarja fillimisht u dërgua në spitalin e Elbasanit, por si pasojë e plagëve nuk mundi të mbijetojë.
Vetë motra e viktimës dhe gruaja e autorit e pranishme në momentin e ngjarjes, tregon shkakun e kësaj ngjarje.
“Ishte nxeh se pse nuk e hapi telefonin. Po unë nuk kisha telefon. Isha bashkë me motrën dhe mori motrën. Ziheshin për gjëra të kota”. Ndërsa fqinjët e tyre rrëfejnë momentet e para pas krimit.
“Unë dëgjova zhurmë, gruaja kërkonte ndihmë duke thënë se “donte ujë”. Ajo kishte gjak nga surrati. Ajo tjetra shtrirë, nuk e di unë.”
Menjëherë pas ngjarjes, autori, 58-vjeçar u largua në drejtim të fshatit Bradashesh, aty dhe ku arrestua nga policia.
Sipas uniformave blu në momenin e arrestimit, Tefik Tashi u gjet me sëpatën që kreu krimin, dhe duart i kishte me gjak.
Burime pranë grupit hetimor bëjnë me dije se në momentin e krimit autori ka qenë në gjendje të dehur. Autori me bashkëshorten e tij dhe viktimën jetonin në një shtëpi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
