.png)
Fjalët e agjentit të tij Mino Raiola, më pas edhe të Arrivabene, drejtues i Juventusit, kanë lënë të kuptohet se e ardhmja e Mathijs de Ligt është gjithmonë dhe më e paqartë.
Sipas 'Sport', për mbrojtësin holandez ka një derbi në merkato mes Çelsit dhe Totenhemit, dy klube që janë gati të mbyllin marrëveshjen me Juventusin që në sesionin e janarit, por në garë është future edhe Barcelona, që ka takuar njerëzit e afërt të futbollistit.
Për katalanasit në fakt kjo lëvizje është më e komplikuar, për shkak të pagës së lartë të de Ligt. Holandezi ka një klauzolë prej 150 milionë eurosh për prishjen e parakohshme të kontratës me Juventusin, por klubi bardhezi e di mirë se kjo shifër është jashtë çdo mundësie të merkatos. Çmimi për mbrojtësin mund të jetë rreth 50 milionë euro.
Barcelona, sipas "Todofichajes.com", e do me çdo kusht holandezin, sepse ai pëlqehet shumë nga trajneri Ksavi. Katalanasit kanë menduar të ofrojnë dy lojtarë në shkëmbim të de Ligt, mbrojtësin francez Lenglet dhe sulmuesin holandez Depai. Në këtë moment, më të favorizuar janë Çelsi dhe Totenhem, që janë në gjendje ta përballojnë operacionin e merkatos me pagesë kesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
