.png)
Deputeti i Partisë Demokratike dhe kryetari i të rinjve demokratë, Besart Xhaferri tha në fjalim e tij se ata do të kërkojnë zgjedhje të lira dhe të ndershme.
Në fjalën e tij gjatë protestës, ai u shpreh se ky pushtet “jep tendera sekretë dhe koncesione fantazmë”.
Sipas tij qeveria është “e korruptuar dhe e rrezikshëm nga brenda, mjafton një shkëndije, mjafton pak drejtësi e pa kapur që ky pushtet të bjerë për tokë”, tha Xhaferri.
Ai i bëri thirrje të rinjve që të mos largohen nga Shqipëria, pasi vendi ynë nuk është i varfër, por i vjedhur.
“Sot ju them që ne nuk do të ikim, ky është vendi ynë dhe kjo është toka jonë. Shqipëria nuk është e varfër, por është e vjedhur. Duhet të shembim murin e pandëshkueshmërisë, një rebelim kundër të keqes që na ka zënë frymën. Mos kini frikë nga makineria e tyre e propagandës, ata duken të fortë vetëm kur ne jemi të përçarë”, tha deputeti i PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje