.png)
Gazeta Si – Mirlind Daku as në ëndrrat më të bukura nuk do ta kishte parë ndoshta atë gol që shënoi ndaj Polonisë në ‘Air Albania’, golin që preu shpresat e kundërshtarit për pikë në Tiranë. Me prekjen e dytë të topit ai ndëshkoi Sheznin dhe lumturoi me mijëra shqiptarë.
Pas ndeshjes sulmuesi që luan për Rubinin në Rusi u shpreh: “Faleminderit Zotit që më shpërbleu punën dhe fituam. Golin ia dedikoj familjes sime dhe dëshmorëve, të cilët kanë dhënë jetën në luftën e Kosovës. Falënderoj edhe presidentin e FSHF-së për mbështetjen”.
Për Dakun ishte ndeshja e dytë me fanellën kuqezi. Ai debutoi në pjesën e dytë të transfertës së Pragës, ndërsa sot u bë protagonist absolut me atë gol me shumë peshë.
Teksa festonte golin me fanellën e hequr, në shpinën e sulmuesit ra në sy një tatuazh i madh, ku shkruhej ‘Katana’ në një piramidë të rrëzuar dhe një këmbë mbi të. ‘Katana’ është pseudonimi i Heroit të Luftës në Kosovë, Agim Ramadani, një nga komandantët e shquar të UÇK-së. Nuk dihet, nëse Daku ka lidhje familjare me heroin apo jo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
