Gazeta Si - Ditë e rëndësishme në shtëpinë e Milanit. De Ketelaere ka kaluar vizitat mjekësore dhe është gati të hedhë firmën në kontratë me klubin kuqezi. Por jo vetëm kaq. Kampionët e Italisë kanë rritur presionin për Renato Sançes.
👋 #DeKetelaere #Milan @MilanNewsit pic.twitter.com/5GoxoU5sjl
— Antonio Vitiello (@AntoVitiello) August 2, 2022
Mesfushori portugez nuk është stërvitur me Lilën sot dhe kjo mund të jetë një indicje për një transferim të mundshëm te Milani. Pavarësisht konkurrencës me PSG-në, kuqezinjtë nuk dorëzohen.
Pasi kanë gjetur akordin me Lilën, Maldini dhe Masara orët e fundit kanë shtuar kontaktet me agjentin Horge Mendes për një marrëveshje në lidhje me pagën e mesfushorit. Sançes preferon PSG-në, si për anën ekonomike, ashtu dhe për lidhjen që ka te kampionët e Francës me Galtier dhe Kampos.
Milani synon t’ia ndryshojë mendjen, duke i prezantuar një projekt, ku portugezi mund të ndihet protagonist. Kjo javë do të jetë vendimtare, pasi drejtuesit e klubit kuqezi duan t’i garantojnë Piolit pasuesin e Kesi.
Maldini dhe Masara ndërkohë po punojnë edhe për mbrojtjen. Sipas “Corriere dello Sport”, objektiva janë Abdu Dialo, 26-vjeçari i PSG-së, dhe Jafet Tanganga, 23-vjeçari i Totenhemit. Për këtë të fundit interesohet edhe Roma.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.