Botërori që do të zhvillohet këtë vit në Katar, duke nisur nga data 21 nëntor deri më 18 dhjetor, e ka detyruar UEFA-n të ngjeshë kalendarin e Ligës së Kampionëve 2022-2023.
Në faqen zyrtare të UEFA-s janë publikuar tashmë datat e sezonit të ri të kompeticionit më të rëndësishëm në rang klubesh dhe ndeshjet e para të fazës në grupe janë programuar më 6 dhe 7 shtator 2022. Ndeshjet e fundit të fazës në grupe luhen më 1 dhe 2 nëntor, ndërsa më 7 nëntor hidhet shorti i fazës së 1/8-ve, por kjo datë ende nuk është konfirmuar.
Shorti i fazës në grupe të Ligës së kampionëve do të hidhet më 25 gusht 2022. Do të jetë një kalendar shumë më i ngjeshur se zakonisht. Ndeshjet do të zhvillohen çdo javë pa ndërprerje dhe kjo gjë sigurisht që nuk u pëlqen aspak trajnerëve dhe futbollistëve, sepse do të jetë një sfilitje e vërtetë fizike në prag të Botërorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.