.png)
Gazeta Si – Dalin në shitje biletat e ndeshjes me Ishujt Faroe, që zhvillohet më 20 nëntor në ‘Air Albania’. Me shumë mundësi do të jetë ndeshja e festës së kualifikimit të kuqezinjve në Euro 2024. Sfida që mbyll këto kualifikuese nis në orën 20:45.
Tashmë tifozët shqiptarë kanë mundësi të blejnë online biletat për këtë ndeshje. Biletat shiten vetëm online, në linkun: ebileta.al.
FSHF bën edhe një sqarim në lidhje me procedurën e blerjes së biletave. ‘Fillimisht ju duhet të regjistroheni në platformë, duke përdorur një adresë e-mail. Më pas zgjidhni tribunën e stadiumit dhe më pas përzgjidhni ulësen.
Pasi keni përzgjedhur ulëset, duhet të plotësoni në tabelën dialoguese të dhënat për biletat (mbiemër, emër, e-mail). Në fund procedoni me pagesën, duke plotësuar të dhënat e kartës tuaj. Pasi të konfirmohet pagesa, bileta do të mbërrijë në adresën e-mail me të cilën jeni regjistruar në platformë”, - shkruhet në këtë sqarim.
Sa u takon çmimeve të biletave, ato variojnë nga 3000 lekë deri në 8000 lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
