COVID-19/ MSH: 72 raste të reja, 3 humbje jete, shkon në 56 numri i viktimave

Situata me Covid-19 në vendin tonë vijon të jetë shqetësuese. Ministria e Shëndetësisë njofton se në 24 orët e fundit janë infektuar 72 persona të tjerë si dhe janë shënuar 2 humbje jete duke e cuar në 56 numrin e viktimave.

Viktimat janë dy 70 vjeçare nga Shkodra dhe një 54 vjeçar nga Tirana, të konfirmuar me Covid-19, por me disa sëmundje bashkëshoqëruese.

Ndërkohë, Ministria e Shëndetësisë thotë se gjatë 24 orëve të fundit janë kryer 374 testime për të dyshuar të prekur me Covid-19, nga të cilat janë konfirmuar 72 raste pozitive.

“Në spitalin infektiv aktualisht po trajtohen 77 pacientë, 15 prej tyre janë në terapi intensive, ndërsa 2 janë të intubuar. Lajmi i mirë është se në 24 orët e fundit janë shëruar 38 qytetarë, duke e çuar në 1384 numrin e të shëruarve që nga fillimi i epidemisë”, thotë ministria në përditësimin e saj.

Shpërndarja gjeografike e rasteve është si vijon: 19 të prekur në Tiranë, 9 në Krujë, nga 8 raste në Shkodër, Durrës, Pukë, nga 4 raste në Sarandë dhe Vlorë, nga 3 raste në Fier, Lushnje, 2 në Lezhë, dhe nga 1 rast në Korçë, Elbasan, Has, Kavajë.

Në vendin tonë aktualisht janë 963 persona aktivë me COVID-19, kryesisht në Tiranë, Shkodër, Durrës.

Ndër të tjera, Ministria e Shëndetësisë thotë se “e vetmja mënyrë për të ndaluar përhapjen e infeksionit është duke ruajtur distancën fizike, duke vendosur maskën kur nuk ruani dot distancën, duke ruajtur higjienën personale, bizneset dhe institucionet duke respektuar protokollet e përcaktuara. Respektimi strikt i masave të vendosura do të ruajnë shëndetin tuaj dhe njerëzve tuaj të dashur”.

Ministria e Shëndetësisë dhe Mbrojtjes Sociale kujton gjithashtu se për sa kohë nuk ka një vaksinë, qytetarët duhet të përshtaten me normalitetin e ri dhe të përshtatin sjelljen e tyre duke u kujdesur për zbatimin strikt të çdo rregulli të vendosur.

COVID-19 – Statistika (28 Qershor 2020)

Testime totale 26292

Raste pozitive 2402

Raste të shëruara 1384

Raste Aktive 963

Humbje jete 56 (Qarku Tiranë 31, Durrës 9, Fier 5, Vlorë 2, Shkodër 7, Kukës 1, Elbasan 1)

Shpërndarja gjeografike e rasteve aktive sipas qarqeve:

Tiranë 371

Durrës 181

Shkodër 162

Vlorë 103

Fier 48

Lezhë 33

Korçë 26

Kukës 15

Elbasan 12

Gjirokastër 7

Berat 5

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.