“Një politikan që shkon pa maskë të takojë qytetarët edhe kur e ka kaluar Covid-in nuk duhet votuar”, tha në Kuvend kryetari i grupit parlamentar i PS-së, Taulant Balla.
Me rritjen e rasteve të infektimit nga Covid-19, Balla deklaroi se politikanët duhet të jenë shembulli i respektimit të masave.
“Ne politikanët duhet të jemi shembull për respektimin e masave. E vërteta është që politikanët në një pjesë të madhe të territorit janë bërë shembulli më i keq për mosrespektimin e rregullave...”, tha Balla, duke iu referuar kryesish takimeve nga opozita ku janë sanksionuar edhe disa gjoba të majme.
Ndërkohë, Monika Kryemadhi është e vetmja politikane, e cila nuk mban maskë në asnjë dalje publike apo takim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.