Një pacient 90-vjeçar ka ndërruar jetë në Spitalin Infektiv. Ai vuante nga diabeti, astma bronkiale dhe hipertensioni, ndërkohë që 19 raste të reja janë shtuar në numrin e të prekurve. Zëvendësministrja e shëndetësisë, Mira Rakaçolli njoftoi se në 24 orët e fundit janë shëruar edhe 3 pacientë të tjerë dhe numri i të shëruarve në total është 251. Sipas Rakaçollit numri i të shëruarve ka kaluar numrin e pacientëve aktiv.
“Ju informojmë se, në shërbimin infektiv aktualisht janë 39 të shtruar. 5 pacientë janë në terapi intensive. Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 4 prej tyre janë të intubuar. Në dy spitalet COVID aktualisht po marrin shërbim 48 pacientë. Pavarësisht rritjes me 19 raste të reja në 24 orët e fundit, kemi një numër të qëndrueshëm të rasteve në spital Harta e të prekurve nga COVID-19 zgjerohet në Tiranë, Kukës, Krujë, Elbasan dhe Korçë,” deklaroi Rakaçolli.
Ndërsa shpërndarja gjeografike vijon:
- Tiranë 237 raste
- Durrës 42 raste
- Lushnje 6 raste
- Elbasan 16 raste
- Fier 32 raste
- Kavajë 8 raste
- Rrogozhinë 4 raste
- Korçë 18 raste
- Vlorë 5 raste
- Shkodër 71 raste
- Lezhë 14 raste
- Berat 2 rast
- Has 13 raste
- Krujë 7 raste
- Tropojë 4 raste
- Pukë 5 raste
- Mirditë 3 raste
- Kukës 6 rast
Rakaçolli bëri thirrje për qytetarët që të jenë të kujdesshëm dhe të respektojnë masat e distancimit social.
“Është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19. Nëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40,” tha zëvendës-ministrja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.