.png)
Teksa zëvendësuesi për McDonald’s në Rusi ka zbuluar logon e tij të re, nëpër qytete po hiqen logot e vjetra.
Logoja e re përmban një burger dhe dy patate të skuqura në formën e një M, megjithëse emri i markës së re nuk është zbuluar ende.
Kritikët e logos së re kanë vënë në dukje ngjashmërinë e saj me atë të zinxhirit të hoteleve Marriott, që operon në Rusi. Një person në mediat sociale e përshkroi atë si “Logoja e hotelit Marriott e kryqëzuar me flamurin e Bangladeshit”.
Sipas raporteve të agjencisë ruse të lajmeve RIA Novosti, aplikacioni McDonald’s në Rusi është riemërtuar si “My Burger”. Agjencia u informua se ky ishte një emër i përkohshëm, për të përmbushur kërkesën për të hequr markën McDonald’s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
