.png)
Nga Gazeta 'SI' - Gjatë marsit inflacioni i harmonizuar në Shqipëri raportohet 2.4%, matur me metodën e Eurostat.
Treguesi është ulur lehtë nga muaji shkurt, por grupet e shportës, nga ushqimet tek transporti raportohen me rritje. Rritja më e madhe e çmimeve vërehet në grupin e shërbimit arsimor me 4.2%, pasuar nga grupet argëtim dhe kulturë me 3.9%, mobilim, pajisje shtëpie dhe mirëmbajtje me 3.6 %.
Prej muajsh, inflacioni në Shqipëri ishte ndjeshëm më i lartë se vendet e pasura të bllokut, por tashmë qëndron poshtë mesatares europiane prej 2.6%. Gjithsesi, Shqipëria lë pas vende si Gjermania, Suedia, etj, për nivelin e rritjes së çmimeve.
Sipas grafikut vërehet se inflacioni është më i lartë në shtetet e lindjes apo ato në zhvillim.
Sipas shpjegimit të dhënë nga institucionet statistikore, inflacioni i harmonizuar sipas Eurostat mat ndryshimin e strukturës së shpenzimeve të konsumatorëve sipas produkteve, ndërsa inflacioni që matet nga autoritetet vendase mat ecurinë e çmimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
