Ndeshja kryesore e javës së dytë të Serisë A ka qenë një çmenduri e vërtetë. Juventus ka mundur të fitojë me Napolin në një ndeshje ku spektakli ishte prezent nga minuta e parë deri në të fundit, me plot 7 gola të shënuar.
Goli i parë i De Shiljos nga një kundërsulm i bardhezinjve dhe pas dyfishimi i Higuain në minutën e 20’ krijuan idenë se Juventus do e kishte shumë të lehtë fitoren me Napolin. Edhe Ronaldo me rrjetën e tij, që i çoi shifrat në 3-0 krijoi imazhin e një ndeshje të mbyllur dhe Napoli duhej të dorëzohej.
Por nuk kishte ndër mend ta bënte një gjë të tillë ekipi i Ançelotit. Manolas ndezi shpresat, pastaj blerja e bujshme e merkatos, Lonazno hapi lojën brenda tre minutash. Me rezultatin 3-2, loja u bë shumë e bukur dhe aksione nga të dyja krahët.
Napoli e rritini nivelin e tij të presionit, deri sa në minutën e 81’, Di Lorenzo arriti të barazonte. Por nuk ishte e thënë që Juventus ta humbiste këtë ndeshje të “çmendur”. Për fitoren e torinezëve mendoi mbrojtësi i Napolit, Kulibali, i cili devijoi topin gabimisht në portën e tij, duke çuar në dëlir të gjithë tifozët në “Allianz Stadium”.
Me këtë fitore Juventus shkon në kuotën e 6 pikëve pas 2 ndeshjeve të para dhe kryeson tabelën. Ndërsa Napoli gjatë pushimit të kombëtareve duhet të mendojë të rregullojë mbrojtjen, pasi 7 gola në dy ndeshje janë shumë nga një mbrojtje që në qendër ka dy gjigantë si Manolas dhe Kulibali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.