Gazeta Si - Real Madrid dhe Vilarreal janë dy skuadrat e para gjysmëfinaliste të Ligës së Kampionëve. Katërshja plotësohet sot në mbrëmje dhe pas dy skuadrave spanjolle janë dy angleze që duan të rrëmbejnë dy biletat e mbetura në lojë.
Liverpuli në fakt thuajse e ka në dorë biletën e tij. E ka fituar ndeshjen e parë me Benfikën 1-3 dhe sot në “Anfield” nuk pritet të shpenzojë shumë energji. Djemve të trajnerit Jurgen Klop do t’u mjaftonte edhe një barazim për të kaluar më tej.
Më e hapur është sfida mes Atletiko Madridit dhe Mançester Sitit. Anglezët fituan 1-0 në fushën e tyre dhe pas asaj ndeshjeje pati shumë kritika për strategjinë e trajnerit Simeone, që e bëri skemën e lojës në 5-5-0, duke bërë edhe sulmuesit të mbrojnë.
Në ndeshjen e sotme nuk mjafton vetëm mbrojtja, Atletiko duhet të shënojë patjetër, nëse do që të shkojë në gjysmëfinale, kështu që loja do të jetë më e hapur dhe ‘qytetarët’ mund të përfitojnë për të goditur sërish.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.