Jurgen Klop i druhej shumë Napolit dhe kishte të drejtë. Karlo Ançeloti është një mjeshtër i vërtetë, po e tregon edhe te Napoli. Liverpuli, ekipi kampion në fuqi i Europës, e ka nisur me humbje Championsin e këtij sezoni. Anglezët janë mundur 2-0 në “San Paolo”, me gola të shënuar nga Dries Mertens me penallti dhe Fernando Lorente në kohën shtesë. Sulmi “atomik” i Liverpulit këtë herë nuk pati sukses. Hysaj bëri “tifozin” këtë herë për shkak dëmtimi, ndërsa Xherdan Shaqiri zbriti në fushë vetëm në 3 minutat e fundit.
Në “Signal Iduna Park” të Dortmundit, edhe pse në fushë ishin magjistarët e golit, asnjëri prej tyre nuk arriti ta përcillte topin në rrjetë. Borusia Dortmund-Barcelona, paradoksalisht ishte e vetmja ndeshje pa gola e mbrëmjes së parë për fazën në grupe të Championsit. Për 40 minuta luajti edhe Lionel Mesi, i riktheyr nga dëmtimi, por edhe me të në fushë Barcelona nuk shënoi. Gjermanët humbën një 11-metërsh në këtë ndeshje me Marko Rojs. E ndërsa skuadrat u “kursyen” disi, spektaklin e vërtetë e dhanë tifozët e Borusias me një koreografi spektakolare. Në Grupin F, ku bën pjesë edhe Interi, të katërta skuadrat kanë nga një pikë.
Në ndeshjet e tjera, bie në sy humbja e Çelsit në Londër, 0-1 ndaj Valencias, si dhe fitorja e thellë e Ajaksit, 3-0 ndaj Lilës. Më shumë gola ushënuan në ndeshjen Salcburg-Genk, që përfundoi 6-2.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.