.png)
Ushqimi dhe fundviti kanë një marrëdhënie shumë të ngushtë bashkë dhe shpesh kjo bie në kurrizin tonë, në somakun tonë më mirë .
Jemi shumë të lumtur deri në momentin që kuptojmë se ndjehemi shumë të fryrë dhe se peshorja nuk tregon të njejtat numra si para ca ditësh. Çfarë të bësh për këtë ?
Amy Shapiro dhe Alissa Rumsey, dietologe dhe nutricioniste kanë disa këshilla se çfarë mund të bëni sot dhe në ditët në vazhdim për të hequr qafe fryrjen dhe kilet e marra.
"Pas pushimeve, të gjithë janë të gatshëm të jenë kaq drastikë, por nëse hedhim hapa të vegjël, kjo ndoshta do të çojë që ne të jemi më të qëndrueshëm dhe të jemi në gjendje të mbajmë qëllimet tona." thotë Amy.
E rëndësishme është që sot dhe në ditët në vazhdim të pimë sa më shumë ujë .
"Nga shtimi i peshës që vendosim gjatë gjithë sezonit të festave, disa prej tyre janë fryrje sepse duhen shumë kalori për të vendosur yndyrën. Kështu që, nëse qëndrojmë të hidratuar, ne lehtë mund të heqim një pjesë të natriumit shtesë", thotë Shapiro.
Për më tepër, nëse pimë shumë ujë, nuk i marrim ato shenja false të urisë. Gjithashtu, uji është shumë i rëndësishëm për metabolizmin tonë, për humbjen e peshës.
Një studim i botuar në The Journal of Clinical Endocrinology & Metabolism zbuloi se pirja e 500 mililitrave ujë rrit nivelin e metabolizmit me 30%.
Në rast se e urreni pirjen e ujit ose thjesht nuk jeni një njeri që pini shumë ujë , ka edhe mundësi të shkëlqyera ushqimore për të qëndruar të hidratuar.
Është shumë e thjeshtë : Sa herë që hani një vakt, përfshini dhe perimet e freskëta.
"Filloni ditën tuaj me perime me vezët tuaja ose hani një sallatë në drekë ose të paktën një perime në darkë", thotë Shapiro.
Është e rëndësishme të hani perime gjatë gjithë ditës pasi kanë shumë fibra, të cilat do ju ndihmojnë të mos ndjeheni të uritur si dhe kanë shumë pak kalori.
Ata gjithashtu kanë prebiotikë, e cila është një fibër, për t'ju ndihmuar të qëndroni të ngopur dhe për t'ju ndihmuar të ulni ndjesinë e fryrjes.
Kur zgjedh ushqime pas festave, Shapiro thotë të qëndrosh larg artikujve që kanë vlerë të ulët ushqyese si karbohidratet e thjeshta dhe kaloritë boshe. Këto lloje të ushqimeve përfshijnë biskota, ëmbëlsira, produkte të pjekura, drithëra për mëngjes dhe pije energjike. Në vend të kësaj, Shapiro sugjeron të përqendroheni në karbohidratet komplekse dhe "ushqimet kafe" si gruri i plotë, quinoa dhe orizi kaf.
Mbani pijet tuaja "të pastra"
"Hiqini qafe të gjitha ato pije festive. Të gjithë kanë sheqerna të fshehur në to. Nëse doni të pini diçka por që nuk është uje, provoni çajra të ndryshëm. Ju ndihmojnë të hidratoheni, ju heqin ndjesinë e fryrjes si dhe janë shumë të mirë dhe për shëndetin mendor.
Për të gjithë ato që e kanë me nxitim për të hequr kilet dhe heqin dorë direkt nga çdo gjë, dy nutricionistet thonë se kjo është shumë e gabuar.
“Njerëzit tani janë të prirur të mos konsumojnë asgjë me kalori për të kompensuar kaloritë që kanë marr gjatë festave por kjo është shumë e dëmshme.”thotë Shapiro.
Një veprim i tillë dëmton organizmin tuaj dhe mbas disa ditësh do të keni më shumë nevojë për të ngrënë pasi trupi juaj nuk e pranon një ndryshim drastik në një kohë kaq të shkurtër.
Përveç ushqimit, dietologet thonë se nuk duhet të harrojmë dhe ushtrimet.
“Një kujdes në ushqim nuk ndihmon plotësisht pa stërvitje, sidomos ato që janë të rregullt në këtë të fundit.” thotë Rumsey, e cila është gjithashtu një trajnere personale.
"Shumë njerëz, gra, në veçanti, neglizhojnë ushtrimet. Ushtrimet janë thelbësore në mënyrë që të parandaloni humbjen e muskujve dhe forcës.
Më shumë masë muskulore gjithashtu ndihmon për të menaxhuar më mirë peshën, për të ruajtur fleksibilitetin dhe për të përmirësuar durimin.
Nga ana tjetër, Rumsey thotë se është në rregull të hani herë pas here.
"Ngrënja gjatë ditës mund të ndihmojë në mbajtjen e niveleve të sheqerit në gjak të qëndrueshëm dhe të energjisë së lartë, nëse e bëni siç duhet. Hani shpesh fruta, djathë , perime, arra ose gjalpë arrash, vezë të ziera shumë apo dhe drithëra.
Teknologjia gjithashtu luan një rol të madh në peshën tonë kështu që është mirë që këto ditë pushimi të largohemi sa më shumë të kemi mundësi nga pajisjet elektronike.
Të qenit i ulur në telefonët ose laptopët tanë është gjithashtu një recetë për shtimin e peshës dhe sëmundjeve të zemrës, prandaj përdorni telefonin tuaj për të përmirësuar trupin dhe mendjen tuaj.
Uluni për të pushuar por mos merrni telefonin pasi direkt do ju lindë dëshira të hani diçka, me shumë mundësi diçka të embël apo produkte të skuqura.
Bëni disa sakrifica këto ditë në mënyrë që trupi juaj të kthehet sa më shpejt në gjendjen e tij normale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
