.png)
Numri 1 i futbollit europian ka folur se fundi për gafën që u bë gjatë hedhjes së shortit të fazës së 1/8-ve të Ligës së Kampionëve. Aleksandër Ceferin ka kërkuar ndjesë publikisht, duke pranuar se ishte një gabim i rëndë i UEFA-s.
“Nuk ishte një gabim njerëzor, ishte një gabim i UEFA-s dhe për këtë u kërkojmë ndjesë të gjithëve”, - ka theksuar Ceferin për atë që ndodhi të hënën në Nion, ku shorti u hodh dy herë, sepse në të parin doli çifti Mançester Junajtid-Vilarreal, që nuk mund të dilte dhe që më pas shkaktoi shumë reagime dhe ngriti dyshime të forta.
"Vareshim nga teknologjia dhe ndoshta nuk duhet të jemi kaq të varur”, - ka shtuar slloveni gjatë mbledhjes së Komitetit Ekzekutiv të UEFA-s.
"Morëm informacion se diçka nuk po shkonte me ‘software’-in. UEFA kontaktoi më pas me personat përgjegjës për këtë defekt dhe u vendos që i gjithë shorti duhej të përsëritej, sepse nuk dihej me saktësi kur ishte bërë gabimi. Vendimi ynë ishte për të qenë transparentë dhe duhet të mësojmë për të ardhmen. Është shumë shpejt për të ditur pasojat e mundshme”, - tha në fund kreu i UEFA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
