.png)
Gazeta Si – Shqipëria U-21 do të luajë këtë muaj dy miqësore ndaj Polonisë dhe Azerbajxhanit. Trajneri Alban Bushi ka shpallur sot listën me 24 lojtarët e ftuar për këto dy teste, që do të zhvillohen në Turqi.
Në listë bëjnë pjesë emra që kanë qenë më parë pjesë e Kombëtares U-21, por edhe të rinj. Janë thirrur edhe lojtrë të kampionatit shqiptar, si Smajli dhe Alivoda nga Vllaznia, Nikqi nga Tirana apo Buxhelaj nga Partizani.
Miqësorja e parë është ajo ndaj Azerbajxhanit më 23 mars, ndërsa pas 4 ditësh do të zhvillohet edhe miqësorja tjetër me Poloninë. Trajneri Bushi ka mundësinë të testojë grupin për të bërë në të ardhmen përzgjedhjet e duhura për ndeshjet eliminatore të Europianit.
Eliminatoret fillojnë në shtator dhe Shqipëria bën pjesë në Grupin E, bashkë me Rumaninë, Zvicrën, Finlandën, Malin e Zi dhe Armeninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
