.png)
Gazeta Si – Trajneri i Shqipërisë U-21, Alban Bushi, ka shpallur sot listën me 23 lojtarët e grumbulluar për dy ndeshjet e para kualifikuese të Europianit të 2025-ës. Kuqezinjtë e vegjël do të ndeshen më 8 shtator me Armeninë në transfertë dhe më pas me Rumaninë më 12 shtator, në stadiumin “Elbasan Arena”.
Shqipëria U-21 bën pjesë në Grupin E, ku veç Rumanisë dhe Armenisë, ka si kundërshtarë edhe Zvicrën, Finlandën dhe Malin e Zi.
Në listën e trajnerit Bushi bëjnë pjesë lojtarë që vijnë nga skuadra të huaja, por edhe të tjerë që aktivizohen në kampionatin shqiptar, si Buxhelaj dhe Preka të Partizanit, Smajli i Vllaznisë apo Qefalija i Tiranës.
Skuadra do të gurmbullohet më 2 shtator në Stambolll, ku do të stërvitet për 4 ditë, pasi më 6 shtator do të udhëtojë drejt Armenisë. Kuqezinjtë do të kthehen në Shqipëri më 9 shtator. Trajneri Bushi do të dalë ditën e enjte në një konferencë shtypi, ku do të flasë për listën dhe dy ndeshjet e para kualifikuese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
