.png)
Gazeta Si - Dhjetëra miq dhe të afërm kanë përkujtuar këtë të premte në Bularat 4-vjetorin e vdekjes së Kostandinos Kacifas, i cili u vetëvra, pasi më herët pati një shkëmbim me armë zjarri me forcat RENEA në 28 tetor 2018.
Në ceremoninë përkujtimore të mbajtur në fshatin e Dropullit, u mbajt një meshë fetare nën drejtimin e klerit ortodoks grek në Gjirokastër.
Disa persona nuk kanë lejuar mediat të afrohen në ambientet e jashtme të kishës dhe varrit ku prehen eshtrat e Kacifasit.
Ditën e festës kombëtare greke, që përkujton fillimin e luftës me Italinë, 35-vjeçari qëlloi me kallashnikov ndaj një patrulle policie që ndodhej në fshat, duke rrezikuar jetën e policëve.
Pas lokalizimit nga policia në Bularat, Kacifas nuk iu bind urdhrit për të hedhur armën, duke refuzuar të dorëzohet, madje duke qëlluar me armë në drejtim të RENEA-s për më shumë se 30 minuta.
Ekspertiza e mjekëve ligjorë shqiptarë, ka arritur në përfundimin se ekstremisti grek u vetëvra, duke sjellë edhe pushimin e hetimeve.
Vdekja e tij shkaktoi përplasje dhe tensione diplomatike mes Greqisë dhe Shqipërisë. Ndërsa familja e tij vazhdon të akuzojë autoritetet shqiptare për vdekjen e djalit të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
