.png)
Merkatoja e dimrit është në fazën më të nxehtë të saj. Klubet e mëdha në Europë janë në konkurrencë të fortë për të siguruar lojtarët që u duhen për objektivat sezonalë dhe gara më interesante është për talentet e Ajaksit, De Ligt dhe De Jong.
Për mbrojtësin e qendrës, Mathijs De Ligt, i cili fitoi çmimin “Lojtari i ri më i mirë”, është në garë gjysma e Europës. Bëhet fjalë për një lojtar të kompletuar dhe me shumë personalitet, pavarësisht moshës së tij të re. Barcelona, Bajerni dhe Juventusi e ndjekin prej kohësh dhe duket se janë italianët ata që do të kenë fatin ta kenë në skuadër. Drejtuesit e Juventusit duan të mbyllin sa më parë marrëveshjen, por nuk ka asnjë konfirmim zyrtar për momentin. Ata që garantojnë për mbylljen e këtij transferimi në favor të Juventusit janë bukmejkërsat anglezë.
Në kuotat e publikuara prej tyre sa i takon ekipit që do të ketë shërbimet e mbrojtësit holandez, ajo më e ulëta është e Juventusit. Transferimi i De Ligt te bardhezinjtë kuotohet me koeficientin 3.3, kalimi i mundshëm i këtij futbollisti te Barcelona kuotohet me koeficientin 4.50 dhe kalimi i mundshëm te Bajerni i Mynihut me koeficientin 13.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
