Politike

‘Bufi i stërplakur ktheu opozitën në një kor zhabash’, Rama: Vota për ta është e çuar dëm

Nga Gazeta ‘Si’- Kryeministri Edi Rama, në rubrikën ‘Sy m’sy’ i është përgjigjur një komentuesje, e cila jeton jashtë vendit dhe e kritikon për qëndrimet e tij ndaj opozitës.

Rama thotë se me opozitën rrallë merret, ndërsa e akuzon këtë të fundit, se “merret me gjithë librin e shtëpisë time, me këdo i del përpara”.

Ai e cilëson opozitën si kënetë, që sipas tij, hedh baltë ndaj Shqipërisë, teksa nuk lë pa komentuar edhe partitë e reja.

“Një buf stërplak e ka kthyer opozitën në një kor zhabash e bretkosash, kuak kuak kuak ditë e natë. E rrokanisën shqiptarët kuak kuak kuak. Për  dreq ajo kënetë ka krijuar edhe ca copëza opozitëzash të reja që nuk kanë asgjë të re përveç moshës së pronarëve të tyre”, tha Rama.

Për Ramën, vota për çdo forcë të opozitës është e çuar dëm.

“Kush do të votojë verbërisht ‘kuak, kuak, kuak’, le t’i votojë, por dy gjëra ama nuk ndryshojnë dot. E para, vota për ta është e çuar dëm sepse ata aty ku janë do jenë prapë. Dhe e dyta, vota për ta nuk sjell asnjë ndryshim, sepse sa të jetë ajo kënetë, në mes të mexhlisit tonë, nuk ka dot Shqipëria opozitë reale, sfiduese, europiane dhe fituese”, u shpreh ai.


Copyright © Gazeta “Si”


Lajme të lidhura

Më Shumë